Arestado ng Bukidnon PNP ang Top 7 Regional Priority Target at dalawang indibidwal sa Purok 9, Dologon, Maramag, Bukidnon nitong Mayo 20, 2024.
Ang naturang operasyon ay pinangunahan ng mga tauhan ng Bukidnon Police Provincial Office-Provincial Drug Enforcement Unit sa pangunguna ni PMaj Richlie D Murallon, kasama ang Maramag Municipal Police Station.
Bandang alas-2:25 ng hapon ikinasa ang operasyon na nagresulta sa pagkakaaresto kay alyas “Ian”, 47 taong gulang, lalaki, High Value Individual, Top 7 Regional Priority Target at dalawang pang indibidwal.
Nakumpiska mula sa mga suspek ang 12.2 gramo na hinihinalang shabu na may street value na Php82,960, mga tuyong dahon ng marijuana na may timbang na 4.0 gramo na nagkakahalaga ng Php480, at iba pang mga paraphernalia.
Dinala sa Maramag Municipal Police Station ang mga suspek para sa kaukulang disposisyon at mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang kapulisan ng Rehiyon 10 ay patuloy sa pagpapaigting sa kampanya kontra ilegal na droga para labanan at sugpuin ang ilegal na gawain.
