Himas rehas ang isang lalaking nanaksak matapos maaresto ng Toledo PNP sa isinagawang roving patrol sa National Highway ng Barangay Poblacion, Toledo City, Cebu, noong ika-19 ng Mayo 2024.
Kinilala ni Police Lieutenant Colonel Manolo F Salvatierra, hepe ng Toledo City Police Station, Cebu Police Provincial Office, ang suspek na si “Junrie”, 40 anyos at residente ng nabanggit na lugar.
Bandang 4:10 ng madaling araw ng magsagawa ng roving patrol ang pulisya ng mamataan nila ang naturang insidente at kaagad nitong inaresto ang suspek.
Batay sa ulat ng pulisya, nag-iinuman umano ang suspek at biktimang si “Jenard”, 26 anyos at residente ng Sitio Sta. Ana, Barangay Poblacion, Toledo City, sinubukan umanong patahimikan at pakalmahin ng biktima ang suspek na may dalang kutsilyo ngunit sa halip na kumalma ay biglang siya nitong sinaksak sa kanang parte ng dibdib.
Kaagad sinugod ng City Disaster Risk Reduction Management Office (CDRRMO) ang nasabing biktima sa Toledo City Hospital ngunit dineklara na itong dead on arrival.
Samantala, kasalukuyang nasa kustodiya ng Toledo CPS ang suspek para sa dokumentasyon at tamang disposisyon na kung saan mahaharap ito sa kasong Homicide.
Ang kapulisan ng Toledo ay patuloy ang kanilang paglaban sa anumang uri ng kriminalidad upang magkaroon ng mapayapa at maunlad na syudad dahil sa Bagong Pilipinas, ang gusto ng pulis, ligtas ka.
Source: Toledo CPS SR
Panulat ni Pat Grace P Coligado
