Tinatayang Php1,509,192 halaga ng shabu ang nakumpiska ng Binangonan PNP sa isang High Value Individual sa Barangay Pag-asa, Binangonan, Rizal nito lamang ika-11 ng Mayo 2024.
Kinilala ni Police Lieutenant Colonel Evangeline P Santos, Acting Chief of Police ng Binangonan Municipal Police Station, ang suspek na si alyas “Charlie”, 40, residente ng Barangay Pag-asa, Binangonan, Rizal.
Nahuli ang suspek dakong 3:30 sa isinagawang buy-bust operation ng mga operatiba ng Binangonan Municipal Police Station at nakumpiska mula sa suspek ang walong pirasong heat-sealed transparent plastic sachet at isang knot-tied transparent plastic sachet na naglalaman ng hinihinalang shabu na tumitimbang ng higit kumulang 221.94 gramo at mayroong Standard Drug Price na Php1,509,192.
Kasama na nakumpiska mula sa suspek ang isang unit ng android cellphone, isang itim na belt bag, isang unit ng Smith and Wesson Caliber .38, apat na live ammunition at dalawang pirasong Php1000 bill bilang boodle money.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Rizal PNP ay hindi titigil sa kampanya laban sa problema ng ilegal na droga upang mapanatili ang kapayapaan at seguridad sa pagkamit ng isang Bagong Pilipinas.
Source: Rizal Police Provincial Office
Panulat ni Pat Angelica Rica S Teng
