Nagbigay ngiti sa tinatayang 200 na mga kabataan ng Children’s Haven ang mga tauhan ng Carbon Police Station 5 Cebu City Police Office sa Ground Floor Interim Building, Carbon Market, Cebu City, Cebu, bandang 9:30 ng umaga noong Mayo 11, 2024.
Ang aktibidad ay pinangunahan ni Police Major John D Libres, Officer-In-Charge ng Carbon Police Station 5 katuwang ang Community Bible Study International (CBSI), Code Red Movement, Restore Trauma Care Team at Women’s Association ng Barangay Ermita Volunteers.
Tampok sa naturang aktibidad ang praise and worship at palaro hinggil sa pagkabisado ng kanta na siyang kinagiliwan at ikinatuwa ng mga kabataang dumalo sa naturang programa.
Ang naturang aktibidad ay kaugnay sa PNP Core Values na “MAKATAO” na siyang hangarin nito ang makapagbigay kaalaman, suporta at kalinga para sa mga kabataan.
Mas pinaiiral pa rin ng kapulisan ang pagbibigay ng serbisyong may malasakit lalong-lalo na para sa kapakanan ng mga kabataan tungo sa isang maunlad at nagkakaisang Bagong Pilipinas.
Source: Carbon Police Station 5, Cebu City Police Office
anulat ni Patrolwoman Monica W Labajo
