Mabilis na napigilan at naaresto ang suspek sa pagtangkang pag-carnap ng isang nakaparadang saksakyan ng mga kapulisan ng Tagoloan PNP sa National Highway, Barangay Tablon, Cagayan de Oro City nito lamang Mayo 10, 2024.
Ayon kay Police Captain Rexson L Layug, Hepe ng Tagoloan Municipal Police Station, naaresto ang suspek sa ikinasang checkpoint operation katuwang ang Cagayan de Oro City Police Station 10 – Cugman.
Ang naturang carnapping incident ay naganap sa National Highway, Barangay Tablon, Cagayan de Oro City ng iwan ng biktima ang kanyang saksakyan para bumili lang sa palengke dahilan para magkaroon ng oportunidad ang suspek sa pagtangkang pag-carnap at imaneho sa direksyon ng papuntang Tagoloan, Misamis Oriental.
Dagdag pa, agad namang nakita ng biktima ang kanyang sasakyan na minamaneho na ng suspek at mabilis namang nakahingi ng tulong sa kanyang kakilala na agad na naisumbong sa tanggapan ng Tagoloan PNP.
Ang mga tauhan ng Tagoloan PNP ay agad na nagsagawa ng checkpoint operation na nagresulta sa matagumpay na pagkakaaresto at pagpigil sa pagtangkang pag-carnap ng suspek.
Ito ay patunay na ang Tagoloan PNP at ang buong hanay ng kapulisan ng Misamis Oriental ay handang labanan ang anumang uri ng kriminalidad sa kanilang nasasakupan upang mapanatiling payapa ang mga komunidad at ibigay ang tapat na serbisyo ng pulisya tungo sa Bagong Pilipinas.
Panulat ni Pat Fajardo
