Kalaboso ang dalawang tinaguriang High Value Individual (HVI) matapos mahulihan ng tinayang Php1.7 milyon na halaga ng shabu ng mga operatiba ng Regional Drug Enforcement Unit (RDEU), NCRPO nito lamang Miyerkules, Mayo 8, 2024.
Ayon kay PMGen Jose Melencio Nartatez Jr, Regional Director ng NCRPO, nakilala ang mga suspek na sina sina Fahad, lalaki, 24 taong gulang; at Jay, lalaki, 21 taong gulang.
Batay sa ulat, naganap dakong 8:40 ng gabi sa kahabaan ng Magsaysay Extension malapit sa kanto ng Maguindanao Street, Barangay New Lower Bicutan, Taguig City ang nasabing operasyon.
Nasamsam mula sa possession at kontrol ng suspek ang humigit-kumulang 250 gramo ng shabu na may Standard Drug Price na Php1,700,000.
Ang mga naarestong suspek at mga nakuhang ebidensya ay dinala sa RDEU Office para sa dokumentasyon at tamang disposisyon at haharap sa kasong paglabag sa Republic Act 9165 o “Comprehensive Dangerous Drugs Act of 2002” sa Taguig City Prosecutor’s Office.
“Nananatiling matatag ang ating proactive at unyielding approach para labanan ang ilegal na droga sa Metro. Kami ay nakatuon sa walang humpay na pagtugis at paghuli sa mga nagbebenta at pinagmumulan upang ganap na mapuksa ang mga droga sa ating rehiyon,”ani PMGen Nartatez Jr.
Source: RPIO NCRPO
Panulat ni PSSg Remelin M Gargantos
