Nakumpiska sa isang High Value Individual ang Php374,000 halaga ng shabu sa isinagawang buy-bust operation ng Cebu City PNP sa Sitio Bato, Barangay Ermita, Cebu City, noong ika-4 ng Mayo 2024.
Kinilala ni Police Major John Libres, Officer-In-Charge ng Police Station 5, Cebu City Police Office, ang suspek na si “Patrick”, 44 at residente ng 22-B. Rodriguez, Barangay Sambag 2, Cebu City.
Bandang 1:40 ng madaling araw ng inilatag ng mga tauhan ng Police Station 5 ang buy-bust operation na nagresulta sa pagkakaaresto ng naturang suspek at pagkasabat ng 7 plastic packs ng hinihinalang shabu na may timbang na 55 gramo at may Standard Drug Price na Php374,000, isang brown sling bag at buy-bust money.
Mahaharap ang suapek sa kasong paglabag sa Republic Act 9165 o Comprehensive Dangerous Drugs Act of 2002.
Ang Cebu City PNP ay patuloy sa pagsasagawa ng mga operasyon upang masigurong ligtas ang bawat mamamayan ng naturang syudad dahil sa Bagong Pilipinas, ang gusto ng pulis, ligtas ka.
SOURCE: CCPO SR
Panulat ni Pat Grace P Coligado
