Kusang nagbalik-loob sa mga awtoridad ang dalawang miyembro ng Communist Terrorist Group (CTG) sa himpilan ng 1st Samar Provincial Mobile Force Company sa Barangay Palanas Cara, Calbayog City, Samar nito lamang ika-2 ng Mayo 2024.
Kinilala ni PLtCol Dinvir L Revita, Force Commander ng 1st Samar PMFC, ang dalawang nagbalik-loob na sina alyas “Rommel”, 33 at si alyas “Ali”, 36, parehong residente ng Barangay Cagmanipis Norte, Tinambacan District, Calbayog City, Samar.
Ang pagbabalik-loob nila ay resulta ng patuloy na panawagan at negosasyon ng 1st Samar Provincial Mobile Force Company, Provincial Intelligence Unit Samar Police Provincial Office at 804th Maneuver Company, Regional Mobile Force Battalion 8.
Ang nasabing surenderee ay nasa kustodiya na ngayon ng 1st Samar PMFC para sa tamang disposisyon at pagproseso sa programa ng gobyerno na Enhanced Comprehensive Local Integration Program (E-CLIP).
Ang kanilang pagsuko ay isang malinaw na pagpapakita na mabisa ang Whole-of-the-Nation Approach to End Insurgency sa ilalim ng EO 70 na nagpapatibay sa NTF-ELCAC.
Muling hinihimok ng PNP ang iba pang mga miyembro at tagasuporta ng CTGs na iwaksi ang maling ideolohiya at magbalik-loob sa gobyerno upang mabuhay ng payapa kasama ang kanilang mga mahal sa buhay.
Panulat ni Pat Sheba P Piloneo
