Boluntaryong sumuko sa pulisya ang isang lalaking miyembro ng Communist Terrorist Group (CTG) sa Camp Sotero Cabahug, Gorordo Ave., Barangay Camputhaw, Cebu City, noong ika-29 ng Abril 2024.
Kinilala ni Police Lieutenant Colonel Joy Garaiz Leanza, Force Commander ng City Mobile Force Company, Cebu City Police Office, ang sumuko na si alyas “Tor”, 27 anyos, residente ng Barangay Lumangog, Ubay, Bohol at miyembro ng SRGU, SQUAD II, SRC EMPORIUM, EVRPC.
Ang kanyang pagbabalik-loob sa pamahalaan ay resulta ng patuloy na pakikipagnegosasyon ng City Mobile Force Company, CCPO at City Intelligence Unit, CCPO.
Samantala, kasalukuyang nasa kustodiya ng CMFC, CCPO ang nasabing dating miyembro ng CTG habang pinoproseso ang dokumentasyon at pagbibigay ng tulong mula sa Enhanced Comprehensive Local Integration Program (E-CLIP) ng gobyerno.
Ang pagbabalik-loob ni “Tor” ay representasyon na ang mga programa ng gobyerno sa pagwawakas ng insurhensiya at terorismo ay matagumpay na naipapatupad tungo sa pagkamit ng payapa at maunlad na bansa.
Source: CMFC SR
Panulat ni Pat Grace P Coligado
