Muling umarangkada ang isa sa best practices ng Regional Mobile Force Battalion 15 na “Panag-aywan Iti Kailyan” na ginanap sa Irisan Elementary School, Purok 17, Barangay Irisan, Baguio City nito lamang ika- 23 ng Abril 2024.
Tampok sa aktibidad ang pamamahagi ng mga gamit sa paaralan, bags at tsinelas sa mahigit kumulang 64 na mag-aaral ng nasabing paaralan.
Naging matagumpay ang naturang aktibidad sa tulong ng iba’t ibang stakeholders gaya ng C&T Builders Inc., JMLA Meat Trading, JVP Construction at iba pa.
Walang pagsidlan ang tuwa at pasasalamat naman ang naging batid ng mga guro at mag-aaral sa tulong na hatid ng mga nasabing grupo.
Ang “Panag-aywan Iti Kailyan” ay isang local term na ang ibig sabihin ay pangangalaga sa komunidad na naglalayong maghatid ng serbisyo lalo na sa mga nangangailangan ng tulong.
Ang programang ito ay hindi lamang nagpapalakas ng ugnayan ng pulisya sa komunidad kundi patunay din sa dedikasyon at sigasig ng puwersa ng pulisya sa pagtulong at pag-alis ng pasanin ng mga tao sa komunidad na kanilang pinagsisilbihan.
