Arestado ng Cebu City PNP ang isang lalaking may kasong 2 Counts of Rape, Sexual Assault at paglabag sa Republic Act 7610 sa Sitio Sambag, Barangay Bulacao, Cebu City, noong ika-22 ng Abril 2024.
Kinilala ni Police Major Jeciree S Basitao, Station Commander ng Police Station 7, Cebu City Police Office, ang suspek na si “Christopher”, 20 anyos at residente ng Barangay Bulacao, Cebu City.
Bandang 5:20 ng hapon ng maaresto ang suspek sa bisa ng Warrant of Arrest para sa kasong 2 Counts of Rape na walang piyansa, Sexual Assault at RA 7610 o Special Protection of Children against Child Abuse, Exploitation and Discrimination Act na may Php200,000 na piyansa bawat kaso.
Ang kapulisan ng Cebu City ay patuloy sa pagpapatupad ng kanilang sinumpaang tungkulin kontra anumang uri ng kriminalidad upang panagutin ang mga taong nagkasala sa batas at mabigyan ng kaukulang hustisya ang kanilang mga naging biktima.
Source: CCPO
Panulat ni Pat Grace P Coligado
