Arestado ng kapulisan ng Cebu City ang isang lalaking may kasong 2 Counts of Murder at Frustrated Murder sa Sitio Tumoy Riverside, Barangay Pahina Central, Cebu City, noong ika-19 ng Abril 2024.
Kinilala ni Police Colonel Ireneo B Dalogdog, City Director ng Cebu City Police Office, ang Top 10 Most Wanted Person sa Regional Level na suspek na si “Arnold”, 21 at residente ng Barangay Pahina Central, Cebu City.
Ayon kay Police Colonel Dalogdog, bandang 8:50 ng umaga ng maaresto ang nasabing suspek sa bisa ng Warrant of Arrest para sa kasong 2 Counts of Murder at Frustrated Murder na walang piyansa ang kasong 2 Counts of Murder at Php200,000 naman ang piyansa para sa kasong Frustrated Murder.
Patunay lamang na ang kapulisan ng Cebu City ay patuloy sa pagpapatupad ng kanilang sinumpaang tungkulin kontra kriminalidad na naaayon sa mga programa ng pamahalaan na magkaroon ng maunlad na bansa para sa sambayanang Pilipino tungo sa isang bagong Pilipinas.
SOURCE: CCPO SR
Panulat ni Pat Grace P Coligado
