Tinatayang Php28,560 halaga ng hinihinalang shabu ang nasabat sa isang suspek sa isinagawang buy-bust operation ng Zamboanga City PNP sa Upper Cabatangan, Barangay Cabatangan, Zamboanga City nito lamang Abril 14, 2024.
Kinilala ni Police Major Wilfredo P Palamos Jr, Station Commander ng ng Zamboanga City Police Station 7, ang naarestong suspek na isang Street Level Individual, 28 taong gulang, lalaki, walang asawa, high school graduate, walang trabaho at residente ng Lustre, Barangay Sta. Catalina, Zamboanga City.
Nakumpiska mula sa suspek ang apat na pirasong heat-sealed transparent sachets na pawang naglalaman ng hinihinalang shabu na tumitimbang ng humigit kumulang 4.20 gramo na may Standard Drug Price na Php28,560 at isang piraso ng Php1000.
Mahaharap ang suspek sa kasong paglabag sa Section 5 at Section 11 ng Republic Act 9165 o Comprehensive Dangerous Drugs Act of 2002.
Ang laban kontra ilegal na droga ay patuloy na pinaiigting ng mga kapulisan alinsunod sa econamic agenda ng gobyerno na tinataguyod ang kaayusan at kaligtasan ng publiko, kapayapaan at seguridad tungo sa bagong Pilipinas.
Panulat ni Pat Joyce Franco
