Arestado ang Top 3 Regional Most Wanted Person na may kasong Murder at Frustrated Murder matapos madakip ng mga awtoridad sa Barangay Zone 3, Victoria, Northern Samar nito lamang ika-9 ng Abril 2024.
Kinilala ni Police Major Al-Shamir L Hamin, Acting Chief of Police ng Victoria Municipal Police Station, ang akusado na si alyas “Reymund”, 33 anyos at residente ng Barangay Buenasuerte, Victoria, Northern Samar.
Bandang 11:30 ng tanghali ng maaresto ang akusado ng mga tauhan ng Victoria Municipal Police Station kasama ang Regional Intelligence Unit 8, Provincial Intelligence Unit – Northern Samar Police Provincial Office, 125th Special Action Company, 12 Special Action Battalion, PNP-SAF, Northern Samar Provincial Highway Team, Regional Highway Patrol Unit 8, 804th Maneuver Company, at Regional Mobile Force Battalion 8.
Naaresto ang akusado sa bisa ng Warrant of Arrest para sa kasong Murder na walang piyansa at Frustrated Murder na may piyansa na Php200,000 para sa pansamantalang kalayaan.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad upang mapanatili ang kaayusan at ligtas na komunidad tungo sa isang Bagong Pilipinas.
Panulat ni Patrolwoman Camberleigh D FLores
