Arestado ang Top 4 Municipal Most Wanted Person sa kasong 2 Counts sa paglabag sa Republic Act 7610 o Anti Child Abuse Law sa isinagawang operasyon ng Sultan Kudarat PNP sa Purok 2, Barangay Kinudalan, Lebak, Sultan Kudarat nito lamang ika-8 ng Abril 2024.
Kinilala ni Police Lieutenant Colonel William L Fascoy Jr., hepe ng Lebak Municipal Police Station, ang suspek na si alyas “Jo”, 23, magsasaka at residente ng Purok Sampaloc, Barangay Barurao 2, Lebak, Sultan Kudarat.
Ayon kay PLtCol Fascoy, naaresto ang suspek sa pinagsanib pwersa ng Lebak MPS kasama ang CIDG 12 SKPFU, RID 12 Tracker Team Delta, 2nd SK Provincial Mobile Force Company, 5th SOU MG at RMU 12 RSOT.
Ang suspek ay may Warrant of Arrest sa kasong 2 Counts sa paglabag sa R.A. 7610 o Anti-Child Abuse Law na may piyansa na Php80,000 bawat bilang.
Ang pambansang pulisya ay patuloy na magsasagawa at paiigtingin ang mga ganitong operasyon para sa mga taong may pananagutan sa batas para mabigyang hustisya ang mga naging biktima at magkaroon ng mas maayos at mapayapa na komunidad.
Panulat Ni patrolwoman Vina C Morales
