Nagsagawa ng Mangrove Tree Planting activity ang mga miyembro ng Bataan PNP sa Barangay Mabayo, Morong, Bataan nito lamang Lunes ika-7 ng Abril 2024.
Ang aktibidad ay pinangunahan ng mga tauhan ng 2nd Police Mobile Force Company sa ilalim ng pangangasiwa ni Police Lieutenant Colonel Elias Marianito T Cabual, Team Leader ng 2nd PMFC, Bataan PNP.
Kabilang din sa nakilahok ang mga miyembro ng Maritime Unit, Samahan ng Maralitang Mangingisda at opisyales ng nasabing barangay.
Layunin ng aktibidad na bigyang halaga ang pagtutulungan ng pulisya at komunidad upang protektahan at pagyamanin ang likas na yamang dagat dahil ang mga bakawan ang siyang nagpoprotekta sa mga baybayin at komunidad mula sa malakas na alon na dala ng bagyo.
Patuloy naman ang paghikayat ng Pambansang Pulisya sa publiko na makiisa sa ganitong aktibidad upang mapanatili ang kagandahan at patuloy na mapangalagaan ang ating mga likas na yaman.
Panulat ni Pat Mildred A Tawagon
