Arestado ang isang wanted person sa ikinasang operasyon ng Roxas City Police Station sa Pueblo de Panay Barangay Lawaan, Roxas City, Capiz nito lamang ika-8 ng Abril 2024.
Kinilala ni Police Lieutenant Colonel Francisco D Paguia, hepe ng Roxas CPS, ang nahuling suspek na isang 38 anyos na lalaki, isang furniture maker, at residente ng nasabing syudad.
Ang suspek ay naaresto sa bisa ng Warrant of Arrest sa kasong Attempted Homecide na nilagdaan ni Hon. Jeffrey D Almalbis, Presiding Judge, MTCC, Branch 1, Roxas City noong ika-15 ng Oktubre 2007 na may piyansang nagkakahalaga ng Php12,000 para sa kanyang pansamantalang kalayaan.
Patuloy ang pagsusumikap ng Roxas City PNP para mahuli ang lahat na may pananagutan sa batas upang mabigyan ng hustisya ang kanilang mga naging biktima.
Source: Roxas City Police Station
Panulat ni Pat Charmaine Balunsat
