Tinatayang Php200,000 halaga ng fully grown marijuana plants ang nadiskubre ng Benguet PNP sa isinagawang marijuana eradication sa Pugongan, Kayapa, Bakun, Benguet nito lamang ika-5 ng Abril 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang marijuana eradication dahil sa pagsisikap ng mga operatiba sa pangunguna ng Bakun Municipal Police Station kasama ang Provincial Intelligence Unit/PNP Drug Enforcement Unit, Benguet Police Provincial Office, Regional Intelligence Unit-14 at Philippine Drug Enforcement Agency-Cordillera.
Nagresulta ang operasyon sa pagkakadiskubre ng isang plantasyon na may kabuuang sukat na 200 square meters na may mahigit kumulang na isang libong (1000) fully grown marijuana plants na nagkakahalaga ng Php200,000.
Binunot at sinunog onsite ng Benguet PNP ang nasabing marijuana plants pagkatapos ng tamang dokumentasyon at pagkuha ng mga sapat na sample upang isumite sa Regional Forensic Unit-Cordillera para sa qualitative test.
Ang matagumpay na marijuana eradication ng Benguet PNP kasama ang ibang ahensya ng pamahalaan ay nagpapakita na patuloy ang Pambansang Pulisya sa pagpapaigting ng kampanya kontra ilegal na droga upang makamit ang inaasam na maging drug-free ang ating bansa para sa Bagong Pilipinas.
Panulat ni Patrolwoman Jomalyn F Cacanindin
