Nagsagawa ng awareness lecture ang mga tauhan ng San Juan City Police Station na ginanap sa Technical, Vocational Learning School (TVL), San Juan Senior High School nito lamang Biyernes, Abril 5, 2024.
Ang aktibidad ay pinangunahan ng Station Community Affairs and Development Unit ng San Juan CPS sa pamumuno ni Police Colonel Francis Allan M Reglos, Chief of Police.
Nilahukan ito ng 36 na mag-aaral mula sa Grade 11 at 12 ng mga paaralan kung saan tinalakay dito ang Project Resistance Education Against Drugs for the Youth (R.E.A.D.Y.) at The Anti-Bullying Act of 2013 (Republic Act No. 10627).
Layunin nitong palakasin ang maayos na pakikipagtulungan sa mga paaralan at komunidad upang mag-organisa at magpakilos bilang mga tagapagtaguyod ng kapayapaan, kaayusan ng publiko at pagpuksa sa ilegal na droga sa lungsod.
Source: Sanjuancity Pulis
Panulat ni PSSg Remelin M Gargantos
