Nasabat ng Bongao PNP ang Php340,000 halaga ng shabu sa isang indibidwal sa Barangay Tubig Tanah, Bongao, Tawi-Tawi noong ika-3 ng Abril 2024.
Kinilala ni Police Lieutenant Roy R Zantua, Hepe ng Bongao Municipal Police Station, ang suspek na si alyas “Alih”, 30 anyos na residente ng Barangay Simandagit, Bongao, Tawi-Tawi.
Ayon sa ulat, bandang 3:50 ng tanghali nang makatanggap ng impormasyon ang naturang istasyon sa isang concerned citizen ukol sa ilegal na aktibidad sa droga kung saan agad namang tumugon ang mga awtoridad ng Bongao MPS sa nasabing lugar na nagresulta sa matagumpay na pagkakaaresto sa nasabing suspek.
Nasabat mula sa suspek ang dalawang piraso ng heat-sealed plastic sachets na naglalaman ng pinaniniwalaang shabu na may timbang na 50 gramo at nagkakahalaga ng Php340,000; isang piraso ng empty cigarette pack; at isang unit ng cellphone INFINIX.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002” kapag napatunayang nagkasala ito.
Ang mas pinaigting at mahusay na operasyon ay naglalarawan sa pagkakaisa ng ahensya ng pamahalaan sa pagsugpo ng ilegal na droga para sa kapakanan ng mamamayan at kaligtasan ng komunidad tungo sa Bagong Pilipinas.
Panulat ni Pat Veronica Laggui
