Mahigit Php3,000,000 halaga ng shabu ang nakumpiska ng Tarlac PNP mula sa dalawang High Value Individual na tulak ng ilegal na droga sa isinagawang buy-bust operation sa Barangay San Miguel, Tarlac City, nito lamang Martes, ika-2 ng Abril 2024.
Ayon sa ulat, naging matagumpay ang ikinasang buy-bust operation ng mga tauhan ng Police Provincial Drug Enforcement Unit-Tarlac kung saan apat na plastic sachets ng shabu na may bigat na 450 gramo na nagkakahalaga ng Php3,060,000 ang nakumpiska.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Ayon naman kay Police Colonel Miguel M Guzman, Provincial Director ng Tarlac PNP ay patuloy sila sa pagsasagawa ng mga proaktibong operasyon upang puksain ang ilegal na droga sa buong probinsya upang mapangalagaan ang mga kabataan at mga potensyal na biktima mula sa salot na pag abuso sa ilegal na droga.
Panulat ni Pat Marimar J Junio
