Arestado ang isang Lolo na kasama sa listahan ng Most Wanted Person sa City Level para sa kasong Murder sa Purok Roberto, Barangay Labangal, General Santos City noong ika-1 ng Abril 2024.
Kinilala ni Police Brigadier General Percival Augustus P Placer, Regional Director ng Police Regional Office 12, ang suspek na si alyas “Louie”, 69 anyos, mananahi, may asawa at residente ng naturang lugar.
Naaresto ang suspek ng pinagsanib pwersa ng Gensan City Police Office katuwang ang Criminal Investigation Unit GENSAN, Regional Intelligence Unit 12, RSOG 12 at General Santos City Mobile Force Company sa bisa ng Warrant of Arrest sa kasong Murder na walang pyansa.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa mga programa ni Pangulong Ferdinand R. Marcos Jr. na magkaroon ng maunlad na bansa para sa sambayanang Pilipino tungo sa isang Bagong Pilipinas.
