Naglunsad ang 1st CagayanProvincial Mobile Force Company (PMFC) ng kanilang Lenten Project na tinawag na PMFC PALASPAS Season 2 o “Paggunita Mula sa Force Company Preparasyong Alay at paggawa ng Likhang-kamay Alang-alang sa Spiritwal na Pagpapahalaga sa Araw ng Semana Santa” noong ika-24 ng Marso 2024.
Ang aktibidad ay pinamunuan ni Police Major Rexon Casaway, Force Commander katuwang ang Mobile Force Platoon sa Tuguegarao, Baggao, Amulung, at Piat, Cagayan.
Umabot sa higit sa tatlong libong nabasbasang palaspas ang kanilang naipamahagi sa mga taong bumibisita sa iba’t ibang simbahan sa probinsya ng Cagayan.
Ang aktibidad na ito ay bilang suporta sa PNP Core Values na “Makatao” at “Makadiyos” na naglalayong makabuo ng mas malakas na relasyon sa komunidad, makuha ang kanilang tiwala at magdala ng positibong pananaw sa organisasyon ng PNP.
Source: 1st Cagayan PMFC
Panulat ni Richelle Ledesma
