Bumisita at pinangunahan ni Atty. Benjamin Abalos Jr., Secretary ng Department of the Interior and Local Government (DILG) ang isinagawang Buhay Ingatan, Droga’y Ayawan (BIDA): “Diyalogo Kontra Ilegal na Droga” na ginanap sa NCRPO Hinirang Multi-Purpose Hall, Camp Bagong Diwa, Bicutan, Taguig City nito lamang Lunes, ika-25 ng Marso 2024.
Ang nasabing kaganapan ay personal na dinaluhan ni Police Major General Jose Melencio C Nartatez Jr, Regional Director ng National Capital Region Police Offce kasama sina Maria Lourdes L. Agustin, CESO III Regional Director, NCR; Emerson R Rosales, CESE Director III, PDEA RO-NCR; PMGen Edgar Alan O Okubo, DPCR Director; at Mayor Francis Javier M. Zamora, Chairman ng Regional Peace and Order Council-NCR.
Ang usapin ay bilang pagtugon sa mga hakbangin at programa laban sa banta ng ilegal na droga sa ating bansa na nilahukan ng ilang mga hepe ng mga ahensyang nagpapatupad ng batas, mga pinuno ng Lokal na Pamahalaan, mga opisyales ng barangay, at iba pang organisasyong nagpapatupad ng kapayapaan.
Binanggit ulit ni SILG ang NCR Drug Situation at ang teknikalidad ng mga kaso ng droga sa rehiyon. Bukod dito, ang mga pampublikong opisyal ay nagpahayag ng suporta at pangako tungo sa ibinahaging layunin upang labanan at pigilan ang lahat ng aktibidad na may kaugnayan sa ilegal na droga tungo sa Bagong Pilipinas.
Source: RPIO NCRPO
Panulat ni PSSg Remelin M Gargantos
