Nasamsam ang tinatayang Php182,000 halaga ng Ecstacy mula sa dalawang indibidwal sa isinagawang buy-bust operation ng mga operatiba ng PDEA at PNP sa Purok 3, Barangay Catangnan, General Luna, Surigao del Norte nito lamang Marso 24, 2024.
Kinilala ang suspek na sina alyas “Rona”, 24 taong gulang, isang freelance model, at residente ng Kawit, Cavite at si alyas “Herl”, 43 taong gulang, Senior Manager sa isang Globe Telecom at residente ng Guadalupe Viejo, Makati City.
Ang mga suspek ay naaresto sa pinagsanib operatiba ng Surigao del Norte Police Provincial Office katuwang ang Police Drug Enforcement Unit Surigao del Norte Provincial Office (PDEU-SDNPO) at General Luna Municipal Police Station.
Nasamsam sa operasyon ang 91 pirasong tableta ng ecstacy na may street value na Php182,000, isang iPhone XR, isang iPhone 11, at malaking halaga ng pera kasama ang buy-bust money.
Mahaharap ang mga naaresto sa kasong paglabag sa Seksyon 5 at Seksyon 11 ng Artikulo II ng Republic Act 9165 o Comprehensive Dangerous Drugs Act of 2002.
Ang matagumpay na operasyon ay bunga ng pagkakaisa para sa iisang layuning wakasan ang problema sa ilegal na droga kaya naman patuloy at aktibo ang PNP CARAGA sa pagbuwag at pagsagip sa mga taong nalulong sa mapanganib na dulot ng ilegal na droga.
Panulat ni Karen A Mallillin
