Masayang dinaluhan ng mga tauhan ng Police Regional Office 10, Department of Interior and Local Government 10 at Local Government Unit ng Cagayan de Oro City ang 2024 Buhay Ingatan, Droga’y Ayawan o BIDA Fun Run Anniversary Celebration na ginanap sa Rio de Oro Boulevard, Cagayan de Oro City nito lamang ika-23 ng Marso 2024.
Ang aktibidad ay dinaluhan din ng iba’t ibang ahensya ng gobyerno gaya ng Bureau of Fire Protection, Bureau of Jail Management and Penology, Department of Health, Philippine Coast Guard, Department of Information and Communications Technology, Philippine Information Agency, Philippine Army – 4ID, National Youth Commission, Department of Education at Department of Labor and Employment.
Layunin ng programa na hindi lamang upang palakasin ang katawan ng mga lumahok kundi mas higit pa na ipakita ang pagtutulungan at pagkakaisa ng mga sangay ng pamahalaan para sa isang adhikain na tuluyan ng wakasan ang problema sa ilegal na droga at sagipin ang mga indibidwal na nalululong dito upang makapagbagong buhay.
Panulat ni Pat Villanueva
