Arestado ng Buhangin PNP ang tinaguriang Top 1 City Level High Value Individual sa Ponte Verde Subdivision, Phase 11, Barangay Communal, Davao City nito lamang ika-23 ng Marso 2023.
Kinilala ni Police Major Joenel Pederio, Station Commander ng Buhangin Police Station, ang suspek na si alias “Win”, 42 anyos at residente ng 205 Katambak Street, Jerome, Agdao, Davao City.
Ayon kay PMaj Pederio, naaresto ang suspek sa pakikipagtulungan ng mga tauhan ng Bajada Police Station at PDEA XI.
Narekober mula sa suspek ang dalawang pakete ng hinihinalang shabu na may bigat na humigit kumulang 110 gramo na may Standard Drug Price na Php748,000; marijuana na nagkakahalaga ng Php6,000; at .45 caliber pistol na may limang bala.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang laban kontra kriminalidad at ilegal na droga ay patuloy na pinapaigting ng Police Regional Office 11 sa ilalim ng pamumuno ni Regional Director Police Brigadier General Alden B Delvo alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Pat Shairra Rose A Aquino
