Kasabay ng pagreretiro ni Police Brigadier General Jimili L Macaraeg, ang outgoing Regional Director ng Police Regional Office 12 ay pormal namang itinalaga si Police Brigadier General Percival Augustus Patanao Placer bilang incoming Regional Director ng PRO 12 na ginanap sa Camp General Paulino Santos, PRO 12 Grandstand, Tambler, General Santos City nito lamang Marso 20, 2024.
Ang Retirement Honors para kay PBGen Macaraeg at Turnover of Command ay pinangunahan ni Police Lieutenant General Michael John F Dubria, The Acting Deputy Chief PNP for Operations.
Si PBGen Macaraeg ay nagretiro matapos ang 37 taong pagseserbisyo sa publiko kasama na ang dalawang taong panunungkulan nito bilang PRO12 Top Cop.
Kaugnay dito ay pormal namang umupo na bagong Regional Director ng PRO 12 si PBGen Placer na miyembro ng PNPA TAGAPAGLUNSAD Class of 1993 na dating Director ng PNP-Peace Process and Development Center (PPDC).
Buong puso namang tinanggap ni PBGen Placer ang hamong ipagpatuloy ang husay na ipinamalas ng nagretirong Regional Director alinsunod sa 5-Focused Agenda ni PGen Benjamin C Acorda Jr, ang Hepe ng Pambansang Pulisya.
Ipinangako naman ng mga kapulisan ng PRO12 ang kanilang buong suporta kay PBGen Placer para mas lalo pang mapabuti ang kanilang pagsisilbi sa mga mamamayan ng Rehiyon Dose.
Panulat ni Patrolman Khnerwin Jay A Medelin
