Nagsagawa ng Blessing at Turn-over Ceremony ang Police Regional Office 13 para sa 22 bagong Patrol Vehicle na ginanap sa Camp Col Rafael Rodriguez, Libertad, Butuan City, noong March 21, 2024.
Pinangunahan ang nasabing aktibidad ni Police Brigadier General Kirby John B Kraft kasama ang kapulisan ng PNP CARAGA na dinaluhan ni Police Major General Mario A Reyes, Director for Logistics.
Ayon kay PBGen Kraft, ang nasabing patrol vehicles ay mapupunta sa mga sumusunod na Police Provincial Offices (PPOs): tatlo sa Agusan del Norte PPO, anim sa Surigao del Norte PPO, siyam sa Surigao del Sur PPO, at tatlo sa Dinagat Islands PPO.
Samantala, sa naging talumpati ni PMGen Reyes ay kanyang binigyang-diin ang kahalagahan ng responsableng pangangasiwa ng mga patrol vehicle at hinimok ang mga pulisya na gamitin ang mga mapagkukunan ng mabisa at mahusay para sa ikabubuti ng komunidad.
Sa pamamagitan ng bagong patrol vehicles ay patuloy naman na mas pagbubutihin ng PNP CARAGA ang paghahatid ng serbisyo publiko at paiigtingin ang kampanya kontra kriminalidad at insurhensiya tungo sa isang ligtas at mapayapang rehiyong CARAGA.
Panulat ni Karen A Mallillin
