Alinsunod sa pagdiriwang ng National Women’s Month ay binisita at tiniyak ng mga kababaihan na mula sa Butuan City Police Office (BCPO) ang kaligtasan at seguridad ng mga mag-aaral ng Florencio R. Sibayan Central Elementary School, Baan Km. 3, sa Butuan City, noong Marso 18, 2024.
Pinangunahan ni Police Lieutenant Colonel Rowen A Martinez, Deputy City Director for Administration ang aktibidad kung saan tumulong sa mga bata sa pedestrian lane at namahala sa trapiko na tinaon sa oras ng pasok ng mga estudyante.
Pinangunahan din nila ang pagtataas ng pambansang watawat at pagbibigay ng mga leaflets na naglalaman ng safety tips para sa mga bata.
Ang naturang aktibidad ay nagbigay ng pagkakataon upang palakasin ang ugnayan ng komunidad at ng pulisya at ipamalas ang kakayahan ng mga kababaihan.
Patunay lamang na ang kababaihang Pulis ng PNP CARAGA ay nagpapakita ng dedikasyon sa kanilang sinumpaang tungkulin na hindi nasusukat sa kasarian.
Panulat ni Karen A Mallillin
