Arestado ng pulisya ang isang 43-anyos na lalaki matapos itong mahulihan ng di lisyensyadong baril, bandang alas-4:55 ng umaga sa Barangay Tangway nito lamang Marso 18, 2024.
Kinilala ni Police Lieutenant Colonel Rix Supremo Villareal, hepe ng Lipa City Police Station, ang suspek na isang 43-anyos na lalaki, isang Overseas Filipino Worker (OFW) at residente ng Barangay Tangway, Lipa City, Batangas.
Nakumpiska mula sa suspek ang isang Carbine Rifle na may dalawang magasin at 12 bala, at isang caliber 9mm pistol na may dalawang magasin at 11 na bala.
Kasalukuyang nakakulong ang suspek sa custodial facility ng Lipa City Police Station, bilang paghahanda sa pagsasampa ng kaso para sa paglabag sa Republic Act 10591 o ang Comprehensive Law on Firearms and Ammunition Regulation Act.
Ang pagkakahuli sa suspek ay naging posible sa pakikipag-ugnayan ng mamamayan upang masawata ang mga taong lumalabag sa batas at mapigilan ang gun running activities sa lungsod para sa mapayapa at maunlad na komunidad tungo sa Bagong Pilipinas.
Source: Lipa City Police Station
Panulat ni Patrolwoman Maria Sarah P Bernales
