Arestado ng Cebu PNP ang isang sikat na rapper na bumaril sa isang dayuhan matapos nitong makaalitan sa Barangay Lahug, Cebu City, noong ika-17 ng Marso 2024.
Kinilala ni Police Colonel Ireneo B Dalogdog, City Director ng Cebu City Police Office, ang suspek na rapper na si “Jed” o mas kilalang “Range 999”, 26 anyos at residente ng Sitio Upper, Barangay Bacayan, Cebu City.
Bandang 8:20 ng umaga ng rumisponde ang kapulisan ng Police Station 4 at nadatnang nakahiga ang biktima na dugoan na kinilalang si “Michael”, 37 anyos, American National at kasalukuyang naninirahan sa Moallboal, Cebu.
Ayon kay Police Colonel Dalogdog, kaagad nagsagawa ng hot pursuit operation ang mga kapulisan ng Cebu City na nagresulta sa pagkaaresto ng suspek sa Sunshine Valley, Barangay Quiot, Pardo, Cebu City, bandang 9:00 ng umaga.
Nasa kustodiya na ngayon ng Police Station 4 ang suspek para sa dokumentasyon at tamang disposisyon na kung saan mahaharap ito sa kasong Frustrated Murder.
Patunay lamang na ang Cebu City PNP ay patuloy sa pagpapatupad ng kanilang sinumpaang tungkulin kontra kriminalidad at sa lahat ng uri ng ilegal na aktibidad para sa isinusulong na maunlad na bansa tungo sa isang Bagong Pilipinas.
Source: Cebu City Police Office SR
Panulat ni Pat Grace P Coligado
