Arestado ng kapulisan ng Bolinao ang isang lalaking Top 1 Most Wanted Person sa Municipal Level sa kasong paglabag sa Republic Act 9262 sa Barangay Estanza, Bolinao, Pangasinan nito lamang ika-16 ng Marso 2024.
Kinilala ni Police Lieutenant Colonel Radino S Belly, Chief of Police ng Bolinao PNP, ang suspek na si alyas “Astig”, 45 taong gulang, tubong Bolinao, Pangasinan.
Ayon kay PLtCol Belly, patong patong na di umano ang kaso ng suspek, noong ika-14 ng Pebrero naaresto ang suspek sa bisa ng Warrant of Arrest sa kasong Rape na walang piyansa at Rape by Sexual Assault na may piyansa na Php80,000, at ngayon ay inihain ang ika-tatlong kaso ng suspek sa paglabag sa RA 9262 na may piyansang Php36,000.
Ang operasyon ng pulisya ay naging matagumpay sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa mga programa ni Pangulong Ferdinand R. Marcos Jr. na magkaroon ng maunlad na bansa para sa sambayanang Pilipino tungo sa isang Bagong Pilipinas.
Panulat ni Patrolwoman Aileen Arvie E Eustaquio
