Nagsagawa ng Community Outreach Program ang Women and Children Protection Desk ng Quirino Police Provincial Office na ginanap sa Provincial Gymnasium, Capitol Hills, Cabarroguis, Quirino nito lamang ika-15 ng Marso 2024.
Ang nasabing aktibidad ay pinangunahan ni Police Captain Daisylin N Pinugo, Chief, Women and Children Protection Desk ng QPPO katuwang ang Quirino PPO Ladies Club sa pangunguna naman ni Ms Dhalia M Alberto, QPPO Ladies Club President.
Labis naman na ikinatuwa ng nasa 150 na mga bata mula Provincial Camp Bulilit ng Provincial Early Childhood Care Development Office ng kanilang makita at makisayaw si Patrolman Henyong, ang dancing mascot ng PNP.
Nagsagawa rin ng libreng gupit ang TESDA Trained Hair cutters ng Quirino PPO alinsunod sa PROJECT BBM (Barbero ng Bayan si Mamang at Manang Pulis) at namahagi din ng libreng tumblers para sa mga bata.
Layunin ng kapulisan na maihatid sa bawat mamamayan ang serbisyong may puso at magbigay ng tulong sa mga nangangailangan. Ito ay alinsunod sa programang isinusulong ni Pangulong Ferdinand R Marcos Jr para sa nagkakaisang Pilipino tungo sa Bagong Pilipinas.
Source: Cagayan Police Provincial Office
Panulat ni Pat Wendy Rumbaoa
