Nagsagawa ng Community Outreach Program ang mga kapulisan sa pamamagitan ng feeding program para sa mga kababaihan at bata, bilang paggunita sa buwan ng kababaihan sa Barangay Umiray, Dingalan, Aurora, nito lamang ika-4 ng Marso 2024.
Ang naturang aktibidad ay pinangunahan ng Aurora 1st Provincial Mobile Force Company sa ilalim ng pamumuno ni Police Major Jeffrey S Onde, Acting Force Commander.
Ang nasabing grupo ay nagsagawa ng feeding program para sa mga residente sa naturang lugar na labis na ikinatuwa at nagbigay galak sa mga benepisyaryo.
Ang aktibidad na ito ay tumutugma sa Bagong Pilipinas sa Barangay na nagbibigay-diin sa kahalagahan ng pagpapakita ng positibong ugnayan, pagmamahal at pangangalaga sa komunidad.
Isang patunay na ang Pamahalaan at ang Pambansang Pulisya ay tuloy-tuloy sa pagsasagawa ng mga programa at aktibidad para sa mga mamamayan na hindi gaanong napupuntahan at nabibigyan ng tulong pangkalusugan.
Panulat ni Pat Marimar J Junio
