Tinatayang Php408,000 halaga ng shabu ang nasabat sa isang High Value Target sa ikinasang buy-bust operation ng pulisya sa Barangay Casuntingan, MacArthur, Leyte nito lamang Miyerkules, ika-28 ng Pebrero 2024.
Kinilala ni Police Captain Lino N Lopez, Acting Chief of Police ng MacArthur Municipal Police Station, ang akusado na si alyas “Marlon”, 41 anyos, High Value Target sa Municipal Level at residente ng Barangay Casuntingan, MacArthur, Leyte.
Bandang 6:20 ng gabi ng ikasa ang operasyon ng mga tauhan ng MacArthur Municipal Police Station, Philippine Drug Enforcement Agency Regional Office 8 at Abuyog Municipal Police Station.
Nakumpiska sa suspek ang pitong pakete ng hinihinalang shabu na may tinatayang timbang na 60 gramo na nagkakahalaga ng Php408,000 at 1,000-peso bill na buy-bust money.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Pambansang Pulisya ay patuloy sa kampanya laban sa ilegal na droga at iba pang mga krimen para mapanatili ang kaayusan at katahimikan ng ating bansa tungo sa bagong Pilipinas.
Panulat ni Patrolwoman Ma. Elena B Singian
