Arestado ang isang ginang dahil sa ilegal na pagsuot ng PNP Uniform sa checkpoint ng City Mobile Force Company ng Mandaue PNP sa Fe Zuellig St. Subangdaku Mandaue City nito lamang Martes, Pebrero 27, 2024.
Ayon kay Police Major Leo T Logroño, Acting Force Commander ng City Mobile Force Company, Mandaue City Police Office, ang suspek na si “Myrlin”, 44, may-asawa, at residente ng BSP Camp Upper Banica, Barangay Lahug, Cebu City.
Ayon pa kay PMaj Logroño, habang nagsasagawa ng checkpoint ang CMFC Mandaue City Police Office ay pinahinto ang isang ginang na nagmamaneho ng isang single motorcycle habang suot ang isang PNP Athletic Uniform.
Bilang bahagi ng Standard Operational Procedure ng Checkpoint ay hiningian ang nasabing ginang ng Driver’s License, sa halip ito ay nagpakilalang pulis at nagbigay ng fake identification card ng PNP.
Matapos makumpirma na ang nasabing ginang ay hindi miyembro ng Philippine National Police ay agad itong inaresto at sinabihan ng kanyang mga karapatan na naaayon sa Saligang Batas at ang kaso na kanyang nilabag.
Ang suspek ay nahaharap sa kasong paglabag sa Article 179 of Revise Penal Code o Illegal Use of Police Uniform.
Ang insidenteng ito ay magiging babala sa lahat ng tao na magtatangkang gamitin o isuot ang ano mang uri ng uniporme ng Pambansang Pulisya at gamitin sa ano mang uri ng ilegal na gawain.
Binibigayan-diin din nito ang kahalagahan ng wastong pagsuot ng uniporme sa hanay ng mga awtoridad, isang hakbang na naglalayong mapanatili ang integridad at kredibilidad ng ating mga alagad ng batas.
Source: Mandaue CPO PS2 SR
Panulat ni Pat Blessel Kiss Pedoche
