Arestado ng Laguna PNP ang dalawang Most Wanted Person sa Provincial Level sa magkahiwalay na manhunt operation ng Laguna PNP nito lamang Pebrero 19, 2024.
Kinilala ni Police Colonel Gauvin Mel Y Unos, Acting Provincial Director ng Laguna Police Provincial Office, ang mga akusado na si alyas “Allan” at “Marlon”.
Naaresto si Alyas “Allan” sa bisa ng Warrant of Arrest sa kasong Acts of Lasciviousness na may pyansa na Php200,000, habang naaresto naman ng Sta Cruz Municipal Police Station si alyas “Marlon” sa Barangay Poblacion III, Sta Cruz, Laguna sa kasong Acts of Lasciviousness na may piyansa na Php180,000 at kasong Qualified Statutory Rape na walang piyansa.
Ang walang humpay na pagkilos ng pulisya sa kampanya laban sa kriminalidad ay naglalayong wakasan ang lahat ng ilegal na aktibidad at panagutin ang mga kriminal sa kanilang pagkakasala at mabigyan ng hustiya ang kanilang mga naging biktima.
Source: Laguna Police Provincial Office
Panulat ni Patrolwoman Maria Sarah P Bernales
