Gonzaga, Cagayan (January 31, 2022) – Nagsagawa ng community outreach program ang pinagsanib puwersa ng mga tauhan ng Gonzaga Police Station; 2nd Cagayan Provincial Mobile Force Company sa pangunguna ni Police Lieutenant Vhee-R Soriano, Platoon Leader at mga kasundaluhan sa pangunguna ni TSG Daniel Antonio noong Enero 31, 2022 sa Sitio Bagsang, Sta. Clara, Gonzaga, Cagayan na kung saan nagkaroon ng engkwentro ang mga kasundaluhan at mga rebeldeng NPA.
Naging katuwang nila ang mga aktibong miyembro ng Faith-Based Advocacy Group na pinangunahan ni Pastor Harold Pascual.
Nagkaroon ng feeding program at namahagi ng mga food packs, tsinelas at mga damit sa mga residenteng biktima ng engkwentro.
Naging parte din ng programa ang paghimok sa mga residente na huwag suportahan ang mga teroristang grupo sa kanilang lugar, bagkus, ay makipagtulungan sa mga awtoridad sapagkat ang pagpanig sa pamahalaan ang tunay na makakapagbigay sa kanila ng payapa at maayos na pamumuhay.
Ang aktibidad ay isang patunay na ang pamahalaan ay handang tumulong sa mga kababayan nating biktima ng maling ideolohiya.
#####
Panulat ni Police Corporal Carla Mae Canapi
