Nakumpiska sa dalawang suspek ang tinatayang Php578,000 halaga ng ilegal na droga sa isinagawang anti-illegal drug operations ng pulisya sa Barangay Mali-ao, Pavia, Iloilo nitong Lunes, Pebrero 19, 2024.
Kinilala ni Police Major Dadje B Delima, hepe ng Pavia Municipal Police Station, ang mga naarestong suspek na sina alyas “Romeo” at alyas “Emmanuel” na kapwa mga residente sa Barangay Lanit, Jaro, Iloilo City.
Nakumpiska sa mga suspek ang 17 sachets na pinaniniwalaang shabu na may bigat na 80 gramo at may Standard Drug Price na umaabot sa Php578,000 at nakuha din sa kanila ang isang unit ng Caliber .380 pistol na may kasamang pitong mga bala.
Mahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002 at Republic Act 10591 o ang Comprehensive Firearms and Ammunition Regulation Act.
Ang Pambansang Pulisya katuwang ang iba’t ibang ahensya ng pamahalaan ay patuloy sa pagpapaigting ng kanilang kampanya kontra ilegal na droga. Ito ay alinsunod sa isa sa pangunahing prayoridad ng administrasyon na labanan ang mga sindikato ng droga sa pamamagitan ng pagpigil sa kanilang mga ilegal na aktibidad at pagbuwag sa kanilang mga operasyon.
Source: Pavia MPS
Panulat ni Pat Ryza S Valencia
