Nasabat ang tinatayang Php3,400,000 halaga ng shabu mula sa isang tsuper sa isinagawang intelligence driven operation ng PNP at PDEA sa Barbeque Stand, Barangay Poblacion 5, Cotabato City noong ika-19 ng Pebrero 2024.
Kinilala ang suspek na si alyas “Datu Sajied”, 25 anyos at residente ng Barangay Calawag 2, Isulan, Sultan Kudarat.
Naging matagumpay ang isinagawang operasyon sa pinagsanib na pwersa ng Philippine Drug Enforcement Agency BARMM, Police Station 1, Cotabato City Police Office, National Bureau of Investigation, PNP Drug Enforcement Group, Special Operations Unit at PNP Maritime Group.
Nakumpiska mula sa suspek ang 10 piraso ng heat-sealed transparent sachet ng hinihinalang shabu na may timbang na 500 gramo at tinatayang nagkakahalaga ng Php3,400,000; Php600,000 boodle money; Php1,000 bill na ginamit sa transaksyon; at iba pang non-drug evidence.
Ang suspek ay nahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Pambansang Pulisya katuwang ang iba’t ibang ahensya ng pamahalaan ay patuloy sa pagpapaigting ng kanilang kampanya kontra ilegal na droga alinsunod sa pangunahing prayoridad ng administrasyon na labanan ang mga sindikato ng droga sa pamamagitan ng pagpigil sa kanilang mga ilegal na aktibidad at pagbuwag sa kanilang mga operasyon.
Panulat ni Patrolwoman Ma. Señora J Agbuya
