Pinasinayaan na ang tatlong bagong gusali ng Police Stations ng Puerto Princesa City Police Office na ginanap sa kani-kanilang istasyon sa Mini City Hall, Barangay Luzviminda, Barangay Macarascas, at Barangay San Rafael nito lamang ika-16 ng Pebrero 2024.
Ang naturang akdibidad ay pinangunahan ni Police Colonel Ronie S Bacuel, Puerto Princesa City Director at dinaluhan ng mga tauhan ng City Local Government Unit sa pangunguna naman ni Hon. Lucilo R. Bayron, City Mayor.
Kasama sa mga dumalo ang mga City Councilor, mga opisyal ng bawat barangay, mga miyembro ng Religious Sectors, at City Youth Council.
Ang Police Station 3 ay matatagpuan sa Mini City Hall, Barangay Luzviminda; Police Station 4 sa Mini City Hall, Barangay Macarascas; at Police Station 5 naman ay matatagpuan sa Mini City Hall sa Barangay San Rafael.
Ang programang ito ay isa lamang sa mga layunin ng Hepe ng Pambansang Pulisya na si PGen Benjamin Acorda Jr. at ng ating pamahalaan upang mas mapalapit at mapabilis ang paghahatid serbisyo ng kapulisan sa mga mamamayan tungo sa Bagong Pilipinas.
Source: Puerto Princesa City Police Office
Panulat ni Patrolwoman Ana Rose D Guadaña
