Nagsagawa ang pulisya ng Pangkabuhayan sa Pagbangon at Ginhawa 2022 (PPG) Program para sa mga dating rebelde sa Ribo’s Hall, Camp Captain Felixberto B Omo, Buenavista Quinapondan, Eastern Samar nito lamang Huwebes, ika-15 ng Pebrero 2024.
Ang aktibidad ay pinangunahan ni Police Lieutenant Colonel Marino Azur G Estonio, Force Commander ng 2nd Eastern Samar Provincial Mobile Force Company kasama ang mga kinatawan ng Department of Trade and Industry.
Ang mga dating rebelde ang mga pangunahing benepisyaryo ng programa, na binigyang-diin ang kanilang pagkakaroon ng kahalagahan at pagsiguro ng magandang pagpapatupad ng mga programa na idinisenyo upang mapabuti ang kanilang buhay at magpromote ng kapayapaan at katiwasayan sa lalawigan.
Layunin ng programa na mabantayan ang mga dating rebelde sa mga tulong pangkabuhayan na ibinigay sa kanila sa pamamagitan ng pagmamasid sa kanilang pag-unlad, tulungan sa pagharap sa anumang hamon sa kanilang buhay at alalayang makabalik ng maayos sa lipunan.
Ang inisyatibong ito ay nagpapakita ng pagsuporta ng pamahalaan sa mga programa na nagtataguyod ng kapayapaan at pang-ekonomiyang pag-unlad para sa bagong Pilipinas.
Source: https://www.facebook.com/share/p/LC5bXvDDPuRadHck/?mibextid=oFDknk
Panulat ni Patrolwoman Camberleigh Flores
