Nasakote ang dalawang Street Level Individual sa ikinasang buy-bust operation ng pulisya sa Sitio Ipil 1, Barangay Puertobello, Merida, Leyte nito lamang ika-11 ng Pebrero 2024.
Kinilala ni Police Captain Anthony-Re B Amora, Officer-In-Charge ng Merida Municipal Police Station, ang mga suspek na sina alyas “Aurelio”, 45, walang trabaho, residente ng Barangay Puertobello, Merida, Leyte at alyas “Jennifer”, 46, walang trabaho, residente naman ng Barangay Can-unzo, Merida, Leyte.
Bandang 5:07 ng hapon ng maaresto ang mga suspek sa ikinasang buy-bust operation ng mga operatiba ng Merida Municipal Police Station-Station Drug Enforcement Unit sa koordinasyon sa Philippine Drug Enforcement Agency 8.
Nakumpiska sa mga suspek ang limang pakete ng hinihinalang shabu na may timbang na dalawang gramo na nagkakahalaga ng Php13,600, genuine 500-peso bill na buy-bust money at 2,000-peso bill na bogus money.
Mahaharap ang mga suspek sa kasong paglabag sa Section 5 at 11, Article II ng Republic Act 9165 o Comprehensive Dangerous Drugs Act of 2002.
Hindi tumitigil ang Pambansang Pulisya sa operasyon kontra kriminalidad at ilegal na droga sa tulong at suporta ng komunidad para makamtam ang isang drug free na bansa.
Panulat ni Patrolwoman Ma. Elena B Singian
