Nasabat ang tinatayang Php1.4 milyong halaga ng puslit na sigarilyo sa isinagawang anti-smuggling operation ng Police Station 3 ng Cotabato City Police Office sa Riverside, Purok Nyugan, Barangay Kalanganan 2, Cotabato City noong ika-9 ng Pebrero 2024.
Ayon sa ulat, naging matagumpay ang operasyon dahil sa pinagsanib na pwersa ng CCPO Police Station 3 sa pangunguna ni Police Lieutenant Rustan P Deaño katuwang ang Regional Intelligence Division, 1404th City Mobile Force Company, Regional Mobile Force Company 14 at City Investigation Unit ng CCPO.
Ayon kay PLt Deaño, nagsagawa ng anti-smuggling operation ang mga operatiba nang mapansin ang kahina-hinalang stockpile na may takip na asul na trapal at natuklasan ang 74 assorted boxes na naglalaman ng iba’t ibang uri ng sigarilyo na gawa sa Indonesia na tinatayang nagkakahalaga ng Php1,480,000, na posibleng dadalhin ng smugglers sa Cotabato City.
Ang matagumpay na operasyon ay patunay lamang na ang Pambansang Pulisya katuwang ang ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad at nagbibigay serbisyo na naaayon sa mga programa ni Pangulong Ferdinand R. Marcos Jr. na magkaroon ng maunlad at maayos na bagong Pilipinas para sa mga mamamayan.
Panulat ni Patrolwoman Ma. Señora J Agbuya
