Arestado ang dalawang Street Level Individual matapos mahulihan ng ilegal na droga habang nagpapatrolya ang mga tauhan ng Taguig City Police Station nito lamang Biyernes, Pebrero 9, 2024.
Kinilala ni Police Brigadier General Mark D Pespes, District Director ng Southern Police District, ang dalawa na sina alyas “JM”, 26 anyos, call center agent; at alyas “Arnel”, 21 anyos.
Ayon sa ulat, habang nagsasagawa ng foot patrol ang mga tauhan ng Sub-station 5 bandang 8:55 ng gabi sa kahabaan ng Ruhale St. Brgy Calzada-Tipas, Taguig City, naabutan nila ang mga suspek na may hawak na tatlong medium heat-sealed transparent plastic sachet na naglalaman ng hinihinalang shabu na tumitimbang ng humigit-kumulang 30.6 gramo at may standard drug price na Php208,080.
Paglabag sa Republic Act 9165 o Comprehensive Dangerous Drugs Act of 2002 ang isasampa laban sa mga suspek.
Ang pinaigting na kampanya kontra ilegal na droga ay isang paraan ng ating Pangulong PBBM upang mapanatiling maayos at mapayapa ang ating bansa. Kaya naman ang ating kapulisan ay patuloy na nagsusumikap na magsagawa ng mga operasyon upang puksain ang ganitong mga ilegal na aktibidad.
Source: SPD PIO
Panulat ni PSSg Remelin M Gargantos
