Naghatid ng kaalaman ang mga tauhan ng Regional Police Community Affairs and Development Unit Cordillera sa mga mag-aaral ng Benguet State University sa La Trinidad, Benguet nito lamang ika-8 ng Pebrero 2024.
Pinangunahan ni Police Colonel Louisito B Meris, Chief, RPCADU Cordillera ang naturang pagtuturo kasama ang iba pang miyembro ng RPCADU Cordillera at kinatawan mula sa Regional Community Affairs and Development Division ng Police Regional Office Cordillera.
Umabot sa mahigit isang daan na estudyante sa kolehiyo ng nasabing unibersidad na kumukuha ng Bachelor of Science in Tourism Management ang nabigyan ng kaalaman hinggil sa kampanya kontra ilegal na droga at terorismo at kaalaman tungkol sa mga karapatan ng mga kababaihan at kabataan.
Bukod pa rito, nagsagawa rin ng open forum ang grupo para matiyak na naintindihan ng mga kalahok ang mga paksa. Lubos naman ang naging pasasalamat ng mga mag-aaral at ang mga faculty staff sa mga kapulisan sa pagkakataon na inilaan ng mga ito para sa kanila.
Patuloy ang Pambansang Pulisya sa paghahatid ng serbisyo at kaalaman sa mga mamamayan lalo na sa mga kabataan upang mailayo ang mga ito sa banta ng ilegal na droga at terorismo tungo sa kanilang magandang kinabukasan.
Panulat ni PSSg Lhenee Valerio
