Pangasinan – Arestado ang 51-anyos na lalaki na tinaguriang Top 1 Municipal Most Wanted Person sa kinakaharap nitong kaso na Statutory Rape sa Mangaldan, Pangasinan, nito lamang Sabado ika-03 ng Pebrero 2024.
Kinilala ni Police Captain Ronald Millare Jr., Officer-on-Duty ng Mangaldan Municipal Police Station, ang suspek na si “Luis”, 51, barbero at residente ng Brgy. Osiem, Mangaldan, Pangasinan.
Ayon kay PCpt Millare, naaresto ang suspek sa bisa ng Warrant of Arrest na inihain ng Mangaldan Municipal Police Station sa kasong Statutory Rape na walang nirekomendang piyansa.
Samantala, patuloy na pinapaigting ng Mangaldan PNP ang seguridad ng mamamayan na kanilang nasasakupan para sa mapayapang komunidad.
Source: Mangaldan Municipal Police Station
Panulat ni Patrolman Viljon Comilang
