Nagbigay saya sa pamilya ni Mrs. Nida C Gammad, benepisyaryo ng “Pabahay Project” ng kanilang tanggapin ang bahay at may kasamang grocery items sa Landingan, Nagtipunan, Quirino noong ika-2 ng Pebrero 2024.
Personal na iginawad ng mga tauhan ng Nagtipunan Police Station sa pangunguna ni Police Major Quintin Baquiran, Hepe ng istasyon, kasama si Hon. Carlito M. Tabon ng LGU Nagtipunan, Quirino, tauhan ng Quirino Police Provincial Office sa pangunguna ni Police Captain Michelle DG Segundino, Deputy PCADU at sa pamumuno ni Police Colonel Augosto P Bayubay, Provincial Director, kasama din si Hon. Lawag B Toledo, Brgy. Captain, Pastor Romeo A Baccay, Municipal Life coach at Pastor Raphy N Dulnuan, Municipal Advisory Group Member.
Pinangunahan naman ni Pastor Baccay ang pagbasbas sa nasabing pabahay project.
Naging emosyonal naman ang madamdaming pasasalamat si Mrs. Gammad dahil siya ang napili na maging benepisyaryo ng naturang proyekto. “Iti panagbiag ko, tattak lang maranasan agyan iti kastoy a pagtaengan. Arapaap ko lang daytoy agyamanak ken Apo tayo a namarswa ken iti PNP Quirino ta adda nakatungpal iti tarigagay ko”.
Ang “Pabahay Project” ay nakalakip sa Police Regional Office 2 Lingkod Bayanihan Pabahay Project program na nailunsad noong taong 2021 upang matulungan ang mga kababayan na kapus-palad na magkaroon ng libreng pabahay at maipakita ang malasakit at serbisyong nagkakaisa para sa lahat.
Samantala, ang libreng pabahay project ng PNP Quirino ay isa sa mga Best Practice ng kapulisan sa buong Lambak ng Cagayan. Kasama dito ang peace framework ni Chief PNP, Police General Benjamin C Acorda Jr. na Serbisyong Nagkakaisa tungo sa Kaunlaran, gayundin ang Executive Order 70 o National Task Force to End Local Communist and Armed Conflict.
Source: Quirino PPO Valley Cops
Panulat ni Patrolwoman Wendy G Rumbaoa
