Buhangin District, Davao City (January 28, 2022) – Arestado ang isang High-Value Target sa isinagawang buy-bust operation ng Station Drug Enforcement Team (SDET) ng Police Station 5 kasama ang mga RSOG-RPDEU 11 sa Km10, Purok 16, Narra Park Subd. Barangay Tigatto, Buhangin District, Davao City.
Kinilala ang suspek na si John Antona Polistico alyas “Boss”, 36 taong gulang, residente ng Barangay Malawanit, Poblacion Magsaysay, Davao del Sur at nakalistang Top 4 Most Wanted drug personality sa buong rehiyon.
Nakuha sa suspek ang apat (4) na plastic sachet na hinihinalang shabu na nabili ng isang pulis na nagpanggap na poseur-buyer at marked money na ginamit ng mga awtoridad sa pagsagawa ng operasyon at tatlong (3) malalaking plastic sachet at 14 na maliliit na plastic sachet na pinaghihinalang shabu na may tinatayang timbang na 240 gramo na nagkakahalaga ng humigit kumulang Php3,840,000.
Nasa kustodiya na ng Police Station 5 ang suspek upang sumailalim sa booking procedure at nahaharap sa kasong paglabag sa Sec.5 at 11 ng RA 9165 o Comprehensive Dangerous Drugs Act of 2002.
####
Panulat ni Patrolman Alfred D Vergara, RPCADU11
